Palemahan Sekolah
I Ketut Bobi marasa demen masuk ke sekolah. Ia demen baan nepukin
sekolahne sane kedas, lan asri. Sane ngranayang sekolahne buka keto krana
kepala sekolah, guru-guru, murid-muride lan pasuruh sekolah makejang milu miara
sekolahne. Kebun sekolahne rapi, misi soroh bunga-bunga sane miik, makejang
mentik ngiasin natah sekolahne, ngranayang asri pesan natahe.
Dugase ento tamiu saking kantor kebersihan lingkungan rauh ka sekolah.
Dane mabaos kadi puniki” aduh dewa ratu becik pesan natah sekolahne, yening sami
sekolahne sekadi puniki di Bali. Gumi Baline ngancan lestari lan indah. Yening
gumi Baline sampun asri lan indah majanten sampun wisatawan saking dura negara
ngakehan rauh ka Bali. Gumanti sayan nincap perekonomian Bali, tur masyarakat
Bali sami hidupnyane sejahtera. “Kenten tamiu saking kantor dinas kebersihan
lingkungan maosang.
Sesampune sue tamiune mabaos sareng guru-guru lan kepala sekolah. Tamiu
punika lantas budal. Ditu lantas Kepala Sekolah munduhan murid-muride kaicenin
pangumuman mangda tetep nyaga , miara lan ngelestariang kebersihan lingkungan
sekolah kadi punika. Boya ja di sekolah kemanten ring griya, jero, ring jumah
soang-soang taler ring banjar- banjar patut
punika limbakan tur kalestarian. Keto pengumuman saking Ibu Kapala
sekolah.
kaketus saking: widya sari 3
Tidak ada komentar:
Posting Komentar