Satua Bali ( Sang Lanjana)

 Sang Lanjana

Kacarita ada kedis cerik madan Sang  Lanjana , sedek ngalih amah di tengah carike ane linggah teka kedis  gede. Kedise ento madan Sang Muun.

Anake ane sedeng magarapan di carike bengong ningalin Sang Muun kampidne gede lumbang. Bulune kerep samah. Solahne kereng ngadug-ngadug kedis ane cenikan.

Baan corahne, makejang kedis ane cenikan marasa keweh. Sang Lanjana dadi jengah. Ditu lantas Sang Lanjana ngalih Sang Muun. Suba maan makruna ajaka dadua matangtang makeber. Marasa teken awak gedenan Sang Muun kedek ngakak, sada congkak. Ia marasa tusing keweh ngalahan kedis cenik.

Sang Lanjana lantas makeber . tutuga baan Sang Muun, ditu Sang Lanjana mancegan di duur Sang Muun

Kanti makelo Sang Muun makeber, Sang Lanjana enu siep, kadena Sang Lanjana enu siteng, baang kenyelne Sang Muun  nyerah maluan, kampidne lemet, bayune telah. Tepukina Sang Lanjana enu seger, tusing angkih-angkih

Keto pamuputne dadi kedis congkak, bakat belog-beloga teken kedis cenik.

Kaketus saking Pradnya Sari 3, kasunting olih Astiti Dewi, 8 Februari 2012